Association Mamindrasoa - Akany Paradisan'ny Ankizy

Nanomboka mpikambana: Taona 1998, taona niandohana

Antony nidirana:Te hanampy ireo zokiolona sahirana eny an-toerana, sy ireo zaza malagasy tsy mandia fianarana.

Tanjonao manokana: Ny mba hazahoan'ireo zaza malagasy rehetra fanabeazana.

Tenim-pahendrena: "Koa amin'izany, izay rehetra tianareo hataon'ny olona aminareo, dia mba ataovy amin'ny olona koa toraka izany, fa izany no Lalana sy Mpaminany" Mat 7: 12

Nanomboka mpikambana: Taona 1999, hatrany amboalohany

Antony nidirana: Satria zanak'olona sahirana ary mba niankina tamin'ny fanampian'ny hafa ihany koa dia nahatsapa fa ny fifanampiana ihany no anton'ny fahombiazana.

Tanjonao manokana: Mba hahatafita ankizy sahirana marobe.

Tenim-pahendrena: "Fa ny fahasoavan'Andriamanitra no naha toa izao ahy."

Nanomboka mpikambana: 1998 taona niandohana

Antony nidirana: Fahatsapana fa misy sahirana mitovy amin'ny tena any mila fanampiana ka nirotsaka aho nanatevin-daharana hanampy ny mpikambana.

Tanjonao manokana: Ny hampanjaka ny fifankatiavana sy firahalahiana. Hifanasoa ihany koa ao anatin'ny fikambanana.

Tenim-pahendrena: "Tsy ianareo no nifidy ahy, fa izaho no nifidy anareo, ka nanendry anareo mba handehananareo sy hahavokaranareo, ary haharetan'ny vokatrareo sy hanomezan'ny Raiko anareo izay rehetra hangatahinareo amin'ny anarako" Joany 15: 16

Nanomboka mpikambana: Taona 2006

Antony nidirana: Nahafaly ny fo ny nahita ireo tanora nanampy ny be antitra sy nanabe ireo ankizy sahirana teo amin'ny fokontany nisy ny tena, ary dia roboka sy nazoto ary nanapa-kevitra fa hiditra ho isan'ireo tanora ao amin'ny MMS.

Tanjonao manokana: Mba hampandroso sy hahatafita an'ny Madagasikara.

Tenim-pahendrena: "Na ny lavorary indrindra amin'ny zanak'olombelona aza raha tsy manana fahendrena avy aminao, dia isaina ho tsinotsinona"

Nanomboka mpikambana: Taona 2011

Antony nidirana: Nahafinaritra ahy sady mety tamiko ny activites nataon'ny fikambanana sy ny tanjony, dia zah koa tia sy mazoto manampy ny hafa.

Tanjonao manokana: Ny hampiroborobo sy hampaharitra hatrany ny fikambanana.

Tenim-pahendrena: "Anaka, aoka tsy hiala eo imasonao fa tano ny fahendrena amam-pisainana"